Commercials

Dati tuwing nanunuod ako ng TV tapos maganda na yung topic sa showbiz chizmax at sasagutin na ng guest ang tanong bigla sasabihin ng host na "Ok sasagutin po yan ni (pangalan ng sikat na artista) after a short break". Ampft kainis kumbaka nakakabitin limang minutong commercial na naman.

Ganyan din kapag may mga Awards Night or Concert... isama mo na yung mga laban ni Pacman. Loloadan ito ng sangkatutak na commercials. Kaya nga tinawag na Soap Opera ang mga palabas na drama sa gabi dahil noong araw sikat ang mga commercial ng sabon at usually puro commercial ng sabon ang makikita mo in between sa mga palabas na sinusubaybayan mo after office hours.

Inis talaga ako naiinip ako sa dami ng commercials. Mabuti na lang dito nauso na ang mga DVR or TiVo... atleast pwede ko na irecord ang mga palabas na sinusubaybayan ko at iforward pag commercial na. Kadalasan nga ayaw ko ng panuorin ng live yung mga palabas para nga makaiwas sa commercials.

Pero ang tao talaga wala namang kasiyahan. Dati kasi nakasubscribe ako sa TFC dahil sa mga teleserye... tapos na miss ko naman ang mga commercials. Lalo na kapag may ginagawang commercial yung isang kaibigan ko na nagwowork sa ads agency na gumagawa ng commercial sa Pinas. Di ako makarelate hehehe.

Kaya ng makita ko itong site ni maytaodito sa veoh naaliw ako. Kahit papano nakakausyoso ako ng mga bagong TVC sa Pinas. Nakakarelate ako kung sino ang mga sikat na personalidad sa atin dahil syempre pag sikat ka madami kang endorsements. Nakakapang okray na naman ako sa mga jologs na commercials.

May hilig din kasi ako sa film ek ek. Lubhang dipa ko inspired at tinatamad lang ako kaya di ko pa napapagdiskitahan yung mga gusto kong iedit na mga videos. Mahilig ako magtake ng videos sa mga lugar na napupuntahan ko pero nakatambak lahat ng mini dv at di ko pa din nauumpisahan. Hay Libay sana sipagin ka na!

Check nyo yun site actually di lang mga TV Ads may mga teleserye din para sa mga taong wala ng subscription sa TFC. Di ko siya kilala pero ang post na ito ay pagpapasalamat dahil nakasave ako sa pagbabayad para lang manuod ng teleserye. Pero syempre video streaming lang pero pede na din... Libre naman ei :P

83008 E-heads Reunion Concert

Tinawagan ako kagabi ng kaibigan ko para mang-inggit na papunta na siya sa concert ng Eraserheads with matching VIP ticket daw. OO na... panalo ka na... hikbi! hindi ako makakapanuod. Kung pwede nga lang mag vacation leave ng one week umuwi na ako para sa Concert na yan.

Syempre naman sila ang dahilan kaya ako natutong mag-gitara. Kaya itinulog ko na lang yung inggit na nararamdaman ko.

Pagkagising ko nabasa ko text ng kaibigan ko na inatake daw si Ely at hindi natapos ang concert. Search search ako sa internet at nakita ko sa Inquirer ang video na ito.

Kahit sa video ko lang nakita yung opening song nila na Alapaap medyo naluha ako. Lalo na siguro kung isa ako sa libo-libong tao na anduon at napapanuod ito ng live. Napakasaya syempre manuod ng concert at makikanta, palakpak at makisigaw duon. Lalo na nga at halos lahat ng kanta ay kabisado ko pa. Kahit makipagsiksikan ka pa at pagpawisan ng todo... ayus lang.

Nakakalungkot lang at hindi pala ito natapos dahil nga sa di inaasahang pangyayari.

Ely - pagaling ka. Sana mag-ok na ang health mo. God bless!

Here are some videos of the Eraserheads performance courtesy of Inquirer and YouTube. ==> Click the links...

Alapaap

Sembreak

Ligaya

Ang buhay parang Sine

I watched my recorded Dolphy's 80th b-day on TFC yesterday.

Nakakatuwa din na at 80 may movie pa si Pidol and tama lang din nman yung mga recognition na natanggap niya dahil mahirap mapantayan kung ano man yung narating niya sa mundo ng pelikula.

Habang pinapakita yung mga old movies. Naalala ko nung bata pa ako. Laki kasi ako sa sinehan at sa parlor. May parlor kasi ang lola ko at may sinehan naman yung lolo ko. Naalala ko tuwing Monday ang suot ko na t-shirt eh kung ano yung palabas sa sine. Walking ads kaming mapipinsan. Halos araw-araw nasa loob ako ng sinehan. Duon kami sa pinakaharap ng orchestra naglalaro, nag jajack stone at nagtatakbuhan. Galit na galit na nga sa amin yung mga Usher kasi maingay kami.

Wala pang mall sa probinsiya nung mga panahon na yun. Meron lang apat na sinehan kaya uso pa noon yung na eextend ang mga palabas kapag malakas ito. Usually mga movie ni FPJ, Dolphy, Ramon Revilla saka Vilma at Nora na palabas ang dinudumog ng tao. Alala ko naka bus pa yung dumadating galing sa mga karatig probinsiya. Libre palagi yung driver ng bus. Saka kadalasan nagpapaskel ng All Seats taken.

Sikat na sikat din si Lito Lapid noon. Tuwang tuwa ang mga tao sa movies niya na tipong Leon Guerrero (Zorro na Pinoy version). Yung mga pinsan ko naman na mga High School nung panahon na yun eh na adik sa mga movies ng Seiko Films. Nuon kasi if it is from Seiko it must be good. Ako naman natutuwa sa movies ni Sharon Cuneta. Idol kasi siya ng tita ko. Eh idol ko naman yung tita ko kaya kung ano ang pinagkakatuwaan niya eh aliw na aliw din ako. Kasama niya ako palagi bumibili ng mga plaka saka mga casette tapes, isama mo pa yung mga minus one kasi siguradong gagayahin niya yun kung ano mang kanta ni Sharon ang uso.

Noong ako na ang High School medyo humina na yung sinehan. Kasi nagkaroon na ng Malls. Tapos nagsimula na din mauso yung mga pene at bomba na movies. Ayaw na kami papasukin syempre pag bold na ang palabas. Pero papayag ba naman ang mga pinsan kong luko-luko. Nagtatago sila duon sa may projector room para di sila makita ng mga Usher at hindi maisumbong sa lolo. Pag gabi naman nagpupunta kami duon sa Balcony sa bandang itaas nagpapanggap na magpapartner kasi nanunuod ng mga magsyota na nag iiskoran sa dilim.

Naging summer job ko din ang magtinda sa store sa loob ng sine sa orchestra. Nakakapagod pag malakas yung movie kasi kadaming tao na nagkakagulo na bumile kapag intermission pa lang. Tapos syempre nakakasawa yung palabas imagine from 10am na magbukas yung sine hanggang last full show paulit-ulit yun. Ang masaklap pa nun pag extended yung movie kasi dalawang lingo na yun ang napapanuod ko. Pwede na nga akong film critic kasi nakikita ko yung mga maling pasok ng mga artista. Nagiging masaya ako pag Lunes na kasi bago na yung palabas.

College na ako ng mabenta na yung sinehan. Bukod sa nahihirapan na sila mag book ng mga palabas. Syempre lahat ng tao sa Malls na gusto pumunta. Pagkatapos nilang manuod pwede silang magwindow shopping. Naisip ko lang tama lang din na nabenta na yung sinehan na yun. Kasi bihira na din naman gumawa ng mga magagandang pinoy movies, tapos mahal ng kuryente. At napakamahal makipag-unahan sa pagbook sa mga international films.

Sigaw - The ECHO

Hindi naman talaga ako mahilig sa mga katatakutan na movie. Naisulat ko na dati sa blog kong Multo ang aking pagiging duwarog. Naghahanap ako ng bagong Pinoy movies sa isang Asian store sa L.A. yung katabi ng Goldilocks. Malapit kasi ang lugar na 'yon ng ma-assign ako sa T-Mobile Sta. Fe Springs. Ang latest dvd na meron sila ay ang Sigaw. Ayun sa mga nabasa ko maganda daw ang pagkakagawa ng movie and since mga jologs yung ibang movies na nakita ko duon nahikayat na din ako na bilhin kahit nakakatakot.

Pinanuod kong mag-isa ... syempre mag-isa lang naman kasi ako sa inuupahan kong apartment. Isang Mexicana ang may ari ng unit pero hindi siya natutulog doon kaya parang sa akin na din yung place. Props lang kasi niya yung apartment na yun sa parents niya pero ang tutuo duon siya sa bf nya nag stay.

Habang pinapanuod ko ang movie, paminsan minsan isang mata lang din ang ginagamit ko :P lalo na pag natatakot na ako. May pangyayari pa nga na kalahating mata na lang kasi maliit yung mata ko at napapapikit ako sa kaba. Maganda yung movie, gusto ko yung sounds nya... yun pa lang nakakatakot na... magaling ang mga artista na gumanap at magaling ang direktor.

Kaya ng nabalitaan ko na gagawan ng remake na English version. Naging masugid na taga usyoso ako sa site ni Yam. Ipinalabas na sa Montreal last July 17 at isa itong tagumpay. Sana ipalabas na din dito sa US. At aabangan ko din ang dvd para dagdag sa collection ko.

Eto ang trailer ng Sigaw:

Eto naman ang trailer ng The Echo:





Tangkilikin natin ang gawang Pinoy. Congrats Yam and Iza! Pang International talaga ang talento ng Pinoy!

Iisa pa Lamang

I was talking to 'te Lani awhile ago about how proud I am with Kuya Ruel. Isa akong taga hanga niya hindi dahil kamag-anak or anything kundi dahil sa talent niya as a director. Sinubaybayan ko yung Maging Sino Ka man dahil sa kanya and upon watching the ending... sabi ko siya ang gumawa nun. Tatlo kasi yung direktor na nakasulat pero the way it was done... I am pretty sure it was him.

Ngayon eto adiktus na naman ako sa bago nyang obra. I am very proud to invite everybody to watch Iisa pa Lamang.

Here's the full trailer. Enjoy!

Francism

I was in highschool ng ma head over heels ako kay Kiko. I even asked my ex na yun na lang tape nya bigay sa akin sa monthsary namin... hehehe mabait naman at masunurin yun nga ang ibinigay niya sa akin. Salamat ex hindi kita makakalimutan dahil sa tape :P

Last na uwi ko nga sa Pinas ni check ko pa yung box na pinaglalagyan ko ng mga Francis M records collection ko. Kahit di ako sure kung tutunog pa yun hehehe, ang mahalaga andun pa sila kahit yung mga cover na lang ang nakita ko nagpapasaya pa din sa akin yun. Besides wala naman na kaming casette player hehehe.

Isa ko pang ginawa ay yung magpunta dun sa Neo-Chinatown store yung malapit sa Mall of Asia para sana makabili ng pandagdag ulit sa collection ko na mga FMCC t-shirts. Dalawa naman ang reasons kung bakit ako nag cocollect una syempre love ko si Kiko and pangalawa proud Pinoy ako at saka para kakaiba naman shirts ko dito.

Mahilig kasi ako mag collect ng kung anu-anong merchandise like shot glass ng mga state na napupuntahan ko, magnet na panlagay sa ref, snow globes , mga ibat-ibang kulay ng Lacoste na t-shirts, Planet Holywood, Hard Rock Cafe at saka pala bean bears.

Dati mga Spoof shirts yun naisipan ko i-collect kaso wala naman ng bago. Mabuti na lang nakaisip si Idol na magtayo ng FMCC.

Here are some of my collections. Isa na lang ang di ko pa naisusuot... and baka di ko na nga isuot kasi baka mabura yung signature hehehe.

Sana may magregalo sa akin ng kulay purple saka kulay brown kagaya ng suot ni Idol ....Tsk bakit kasi hindi na uso ang monthsary ngayon hehehe.

Anyways, salamat ulit sa pagpose mo at pag greet sa akin sa pagkakaroon ko ng green card. Sana pag-uwi ko ako na mismo ang magpasign at saka makapag papicture pa. At kundi kalabisan maka duet sa pag rarap ... ( Ala nman daw imposible kaya humiling na ng humiling... libre naman yun)

Transition

Almost one week na pala ng huli akong mag post. Madami kasing pagbabago at kailangan kong mag-adjust. Sabi nga kami ay nasa transition period. Bagong amo, bagong workplace, bagong title, bagong responsibilities...I mean di pala bago kundi nadagdagan lang dahil yun dati kong ginagawa ako pa din daw ang gagawa... pero may bago pang ipapagawa... sa matuling sabi... kapag nag reorg mababawasan ng tao syempre maidadagdag sa iyo yung mga loads na dating ginagawa nung mga nabawas.

Pero I am always positive sa mga nangyayari sa buhay ko. Pasa sa akin isang malaking bagay yung naiwan ako ... kasi ibig sabihin nabigyang pansin din yung pagtratrabaho ko, pangalawa pagkakataon din ito para sa akin para matutunan yung ibang platforms na dating di ko hinahawakan at pangatlo chance ko din na makatrabaho yung ibang tao na maaaring maging bagong kaibigan at maaari ding makapag share sa akin ng kanilang kaalaman. At ganun din naman ako sa kanila.

Nakakalungkot lang nung nasa process na ako nag pag reremove ng mga users ng mga dati kong kasamahan. Pero life must go on ... And alam ko naman na may ibang nakalaan para sa kanila.

Kagaya nga ng sabi ng aming amo sa meeting ... It will be hard sa una... pero acceptance ang kailangan at yung pagiging positive palagi sa lahat ng pagkakataon.

Dalawang araw na akong nagduduty bilang isang Front Office Engineer. May mga bago na din akong natutunan and mga ilang araw pa siguro lalo na pag nasali na ako sa shifting schedule masasanay na din ako.

Medyo na stress din ako sa mga pagbabago. Mabuti na lang may mga email at pictures ako na natatanggap mula sa mga kaibigan katulad nito.

Syempre kahit sino naman ang maka receive ng ganito... Lalo na galing kay Idol Kiko ... ma iinspired. At dahil dito nakapag-isip ako ng blog entry na pwede kong gawin bukas.

Salamat idol! You made my day.... Of course Proud Pinoy ako palagi lalo na ngayon na ako na lang ang Pilipino sa group namin... I will forever believe in the Three Stars and a Sun :)

"Gawaing pinoy ipagmalaki... isigaw sa mundo at ipagsabi..."

CONGRATS part3

Salamat sa pagbati! More power and God bless din sa inyo!

Piolo, Angel, John Lloyd, Bea, Gerald, Kim Chu and Kamikaze.

Jay, pare I love u too... Doobidoo bidoo!

CONGRATS part2

Thanks sa Greetings!!! Papa Lloydy after ng date namin ni PJ tayo naman hehehe. Oks lang sama na natin si Bea lol...

CONGRATS!!!

I was surprised when I received the email from bes.

Thanks a lot. Don't worry Piolo. I will fulfill my promise. Kahit hectic ang schedule ko at 3 weeks lang ako magbabakasyon sa Philippines idadate kita lol :P

And sa mga hardworking staff and crew Salamat po sa inyong pagbati... God bless!

Ricky Martin - Black and White Tour 2007

Some pictures from the concert at the Nokia Theater Grand Prairie TX.

livin la vida loca

Got my ticket...
I'll be watching Ricky Martin's concert with some Brazilian, Mexican and Venezueillan friends. After hanging around with these people I will end up talking Portuguese or Spanish.

Beleza! Tudo bem!.... Por que... Por que

still one of my fave

Alicia Silverstone’s Sexy Veggie PSA
Order a FREE vegetarian starter kit at GoVeg.com


Yes back in 2001, isa sa una kong ginawa is to buy DVD of Clueless... hilig ko kasi mag collect ng old movies na nakatuwaan ko ng ako ay bata pa :P.

Yo!

Once upon a time uso pa ang casette tapes ... masyado akong natuwa sa Rap songs, kung sabagay madami din natuwa sa akin ha-ha-ha, nagalak sila sa munting talento na nakapagbigay aliw. But now MP3 na with matching Ipod syempre, pero walang nagbago natutuwa pa din ako sa Rap songs. At mahal ko pa din si Francis at patuloy na tinatangkilik.

My first FMCC shirt from my best friend!

REPRESENT!!!

Happy 4th of July!